المشهد ليس لوحة فنية قديمة بكل تأكيد
انها لغزة المحاصرة بالظلام
والمثقلة بتفاصيل الانتظار اللانهائي
هنا الجدران الرطبة لبيت من صفيح او اسمنت غير مسلح
تحتلها عشرات الصور لراحلين او متخصصين في انتظار لحظة حرية محكومة بالاسر مدى الحياة .
الفانوس ليس بالسحري
والمراة ليست مستوردة من جنبات البحر المتوسط البعيدة
الام والاب والصغير والكبير يرحلون الي ازمنة ليست مصابة بجنون الاحتلال بمخيلاتهم الغضة بالتفاصيل المشوهة والاحلام المبتورة او المشطورة الي نصفين
نصفها معلق على جدار البيت
ونصفها في احدى زنازين الاحتلال تعفنت
يحلمون بارض لا تعلوها سماء مثقلة بالموت وامطار الصيف الحامضية الاصطناعية
النافذة ايضا قد توصلهم الى المجهول الاحمر
انها حكاية فلسطينية قادمة من شطر برتقالة غزية مروية بفيضانات الرعب والعدوان
الصورة لاصحابها
والتعليق لي ولك
والظلمة ستموت هنا يوما
وسنغني معا في نهارطليق لا صفيح ولا خيام ولا فوانيس زيت فيه
تحت الشمس العارية
Subscribe to:
Post Comments (Atom)
8 comments:
ايه ده يا بنتي؟
انتي عاملة البلوج ده عشان ما يتقراش و لا ايه ؟
الكلام ده ما ينفعش خاالص
انتي تكبريلنا الخط كده ، انتي مش بتأكليه و لا ايه؟
و غيرلنا اللون لجل النبي
أنا عاجبني تعليقك عند جيفارا و جاية على حسه و عاوزة أقرا كلامك انتي بقى ، ممكن؟
اولا اولا يعني اهلا بيكي يا شغف ومنورة مدونتي المتواضعة اوي
بالنسبة للخط هكبره واديله حديد و فيتامينات
اللون اممممممم نغيره برده مش مشكلة
اصل انا لسه جديدة على عالم المدونات وبعافر لحد ما اعمل اي حاجة
بالنسبة لكلامي بقى فبلاش تحاولي تربطي بينه وبين كلام جيفارا خالص
انا كلامي على قدي اوي يعني
منورة تاني ويهمني اعرف رأيك فاي خربوشة تعجبك هنا
بصي يا عزيزتي راندا
عجبني جداا
الفرق بين دفء المرأة و دفء القطة الأنثى
،
ماذا فعلت شهرزاد----------- دي فيها حاجة كويسة ، بس انتي استعجلتي عليها ، فبدت فكرة مكتوبة أكتر منها نص له العالم بتاعه
لن أجد ميناء سلام
برضة صادقة ، عجبتني
و النص بتاع سالب و سالب ده برضة حلو جدا
معظم الحاجات التانية حساها كلام مبني على أفكار ، و أفكار متداولة جدا
بالمناسبة أنا عارفة جدا اني بعد مدة ما كده هلاقي المداونة بتاعتك دي ان شاء الله مداونة مزدهرة بأعمال مميزة و تعليقات كتير
لأنك يجيي منك قوي
و أكيد أنا ما باربطش بين كلام حد و حد تاني
و لاحظي اني قلت ان (تعلييقك )هوه اللي جابني هنا ، يعني كلامك ، مش مجرد كونك علقتي يعني
و ياريت تزودي الحديد و الفايتمين شوية لو سمحتى
لأنه لسه صغير برضة - و ان كان مقروء شوية عن قبل كده
الله بجد
احساسك جميل جدا
وكتابتك سلسة
تحياتى
مبسوط جداًبالبلوج بتاعك
من أفضل البلوجات الجديدة اللى شفتها
بس يا ريت فعلاً تكبرى الخط وتكملى كتابة
متكسليش
عزيزتي شغف:
انا مبسوطة اني رجعتي زورتيني تاني
شكرا على النقد البناء الي كتبتيه واتفق معاكي في خاطرة شهرزاد لاني كتبتها بشكل ارتجالي شوية يعني من غير ما ارسم قالب للكلام كله على بعض في دماغي
ححاول اركز اكتر المرات الجاية \
وحديها فيتامينات حديد لما تبقى تختوخة اوي
ميرسي عالزيارة اللطيفة والكلام المشجع والنقد الصادق
هستيروا ميرسي على تعليقك المشجع
وكويس انها سلسة علشان تتبلع
ماشي الطريق
دي شهادة كبيرة اوي عليا
انا يادوب فرع صغنن في الشجرة المرعبة دي
ميرسي ويارب مكسلش خالص تاني
أديكي مكسلة أهوه
مش ملاحظة انك بقالك يجيي شهر مش نزلتي حاجة جديدة ؟
بقى ده اسمه كلام؟
Post a Comment