ايه الجديد؟

ازيك عاملة ايه؟

ايه الجديد؟

مفيش جديد

مفيش جديد

حياتنا ثابتة

زي الحيطان

زي الخشب

زي الحديد

وشوشنا باردة

احضانا باردة

كلامنا بارد

لكن جوانا نار بتقيد

مشاعرنا اتحجرت

مفيش شئ بيهزنا

لا صوت النشيد

ولا دم الشهيد

ايامنا مستنسخة

السبت

زي الخميس

د زي الجمعة

وكل يوم مفيش جديد

حتى الحب جوانا نشف

العدو زي الحبيب

والقريب زي البعيد

متقلش بحلم

الحلم ده ممنوع

عاجز

ضعيف

ناشف زي الجريد

خنقتك جواك

طموحك في جيب البنطلون

وحزام البطالة يحزمك

بس اوعى تيأٍس

خليك شديد

ملعونة دي من حياة

حاميها حراميها

وادعى يا متولى لحكامنا بالعمر المديد

خليك يا قلمي اخرصخليك يا قلبي حجر

وخليك يا عقلي بليد

وفين الجديد؟

مفيش جديد

حياتنا ثابتة

زي الحيطان

زي الخشب

زي الحديد